طريقة عمل كب كيك الكنافة 2024.

• 2 معلقة كبيرة سكر
• ½ كيلو كنافة
• ½ كوب زبدة سايحة
• لكريمة الحشو :
• 6 عدد جبنة كيري
• 1 كوب حليب كامل الدسم
• 1 كوب كريمة مخفوقة
• 1 عدد حليب مكثف
• 1 معلقة كبيرة نشا
• ½ كوب سكر
• ¼ كوب لبن بودرة

طريقة الطهي

1. نبدأ بعمل كريمة الحشو نضع الحليب واللبن البودرة والسكر و كوب الكريمة ومعلقة النشا وندوب الخليط ونرفعه علي نار هادئة لغاية ما يتماسك وبعد ما نطفي النار نضيف مكعبات الجبنة ونقلب لغاية ما تدوب.
2. في الكبة نضرب الكنافة و معلقتين السكر والزبدة زي التشيز كيك.
3. في قالب الكب كيك نضع قليل من الكنافة ونضغط عليها كويس جدا ونتاكد انها غطت الجوانب كمان.
4. ناخد مقدار ملعقة من كريمة الحشو ونضعها في منتصف الكنافة ونغطيها بمقدار كنافة تانية ونقفلها.
5. نكمل مقدار الكنافة كلها وندخلها الفرن علي درجة 200 لغاية ما لونها يحمر.
6. نخرج الكنافة وهي ساخنة نسقيها بالحليب المكثف مقدار ملعقة كبيرة ونستني لما تتشربه الكنافة.
7. نخرج الكنافة من قوالب الكب كيك علي الوجه التاني ونسقيها كمان مرة بالحليب المكثف وبالهنا والشفا.