كيكة النوتتيلا لعيون ام النشمي

انا خذيت طريقة الكيكة هذه من النت بس شليت رقم 8 و9 من المقادير واستبدلتهم بالنوتيلا

طريقتي خذت الطحين وخاشوقه كبيره بيكن بودر وخلطتهم مع بعض وخليتهم على ينب

فصلت صفار البيض عن بياضه
ضربت البياض في مله بروحه ويا خاشوقه صغيره فانيلا وخليته شرات الكريما وتركته على جنب

باقي المقادير حطيتهم مع بعض ويا خاشوقه صغيره فانيلا ضربتهم بالخلاط الكهربائي وبعد ما شفت الفقاعات وان كلهم اختلطوا عدل قمت وبديت أضيف الطحين شوي شوي لين ما ضفته كله وتميت اخلطهم واخر شي ضفت. بياض البيض وتميت اخليهم بحركه دائريه لمده دقيقتين تقريبا

بعدين حطيت نص الكمية في قالب الكيك بعدها حطيت نوتيلا يعني حسب الرغبه انا تقريبا ست خواشيق صغار وزعتهم على المقدار بعدين صبيت باقي مقدار الكيكه

الفرن مشغلتنه على درجة 160 حديدة الفرن اخليها في النص اشغل الفرن من تحت بس

ادخل القالب ولا افتح الفرن اول نص ساعه الحكمه من ها الشي علشان ما تظهر لينه وفيها عجينه

خلط بياض البيض وحده وخلط الطحين مع البكن بودر مع بعض وتركهم فتره مع بعض وعدم فتح الفرن اول نص ساعه كلها تساعد على الحصول على كيكه اسفنيجة رائعة وناضجة وتاخذ الحجم الأصلي للكيك

بعد ما تنضج الكيكه أظهرها وأقلبها على مشبك والبعض يستخدم مشخلة العيش علشان الهواء يدخل ولا تلصق الكيكة وابدا بتزينها بالنوتيلا وانثر فوقه بندق بس هني حطيت لوز مبشور

وبس ها ام النشمي بعدج معصبه مني

طريقة عمل الكيكة العادية بالصور

المقادير

والسموحه على التصوير السريع ههههه لا تنسيق ولا شي وقت السفر

المشاركة الأصلية كتبت بواسطة ام النشمي

ماشاء الله تبارك الله
ألله يحفظج يارب ويسر امرج
وتسلم عيونج يابنت الامارات
شو رايك يا صاحب المد
في الكيك
المهم ياصاحب المد نبغا قصيده في بنت الإمارات
منك وانت أن شاءالله قدها

افا عليج عزيزه وغالية حبيبتي

والله لو قريبه لج افضل الأكلات ومن ايدي بعد