مني لكم مع التحية 2024.

كالعاده الناس متبعين اكثر من انهم متابعين انا باخذ الي يعيبني من الناس وبترك الباقي لهم مب شرط الكل صح ولا الكل غلط بس العقل شو خانته وينه يوم خذيت وتعلقت والله لو كسب الشخص من ورى اي سهم بتحصله. ما بيبقى حد ما بيمدحه ولو خسر ما بيتم حد ما بيذمه والله في العنايه شخص الخير الي عنده فوقه وتحته وهو من الناس الي اسمهم منتشر في كل مكان بس تعال شوفه في حاله وغيبوبة هل المال او غيره بيفيده لا حشى سيرته وأعماله الخير هاي الي بتنفعه بعد رحمة الله لا كثر ماله وارصدته في البنوك بتساعده علشان جذيه الواحد منا يحاول قدر استطاعته يتحكم بتصرفاته وردوده ما تعرف بعد دقيقه وين راح تكون هذا كان في اجتماع طاح ومن وقتها وهو على وضعه صارله اكثر من شهر ونص عايش على الأجهزه وين جاه وماله عنه الحين ما بيفيدونه حتى لو حطوه في ارقى المستشفيات ويابوله اغلى الأجهزه محد نفعه الحين

انا وياك انهم موجوعين بس مب معناته نغلط على بعض الي هني الا هم السبب في الي صار فيهم الحين شركه نزلت ايي أسب واغلط على المحلل او الشخص الي رمس عن السهم الي نزل لا اخوي صحيح الأغلبية منا تعرض لخسائر كثيره بالمليارات والبعض بكل حلاله بس تعال شوفهم وشوف كلامهم وردوده للناس يحاولون يهونون على بعض مب يغلطون على فلان وعلان والبعض يدخل بأعراض الناس مهما الواحد وصل في ضيقه يتحمل نتيجه افعاله بنفسه ويعترف بغلطه بس يرد لا انا سمعت كلام فلان وعلان تراه ما يؤدك بيدك وقالك سوا جي انت بنفسك لو حد غلط عليك بكلمه يمكن ما يقصدها تتضايق منها شو بالك بشخص تحصله في كل بقعه يغلط على نفس الشخص ويوصفه بصفات هو نفسه ما بيرضاها على نفسه

انا ما اقول ان الي فيه من ضيق وهم وصله لجذيه بس لو استمر بها الاسلوب تظن حد بيتم وياه والله محد بيتم وياه بيقول هذا مب مخلي له صاحب شو ضمني ما اكون انا التالي في تشهيره وغلطه ها سوق مال اخوي فيها ربح وخساره وقرارات الاشخاص الي فيه سواء كانت صحيحه او خاطئة هو يتحملها بنفسه مب يحمل غيره يمكن مصيبه اهون عن مصايب غيره بس غيره مب شرات وشرات اُسلوب وتم يغلط هني الفرق السوق يبغي العقل ما يبغي القلب والي مب قده ليش دخلها علشان جذيه دوم نقول تعلموا اعرفوا شو لكم وشو عليكم حطوا استراتيجة او نقاط وقف خساره وبطلوا ذم ولؤم غيركم لين متى بتمون على هذا الحال